OBEIKAN FILIPINO WORKERS ASSOCIATION

"We do not propose to do mighty things, that might just end up as mere proposals until the very end. Instead, we propose to keep on helping others through little things... and yet by combining our small resources through simple and doable programs." - ( OFWA-KSA)

ANG OFWA AT ANG NAIS MONG MABATID

ANO ANG OFWA ?

Ang OFWA o Obeikan Filipino Workers Association ay samahan ng mga Manggagawa Pilipinong , na ang mga miyembro ay nagmula sa ibat-ibang kumpanya ng Obeikan Investment Group sa Saudi Arabia?

BAKIT BINUO O NABUO OFWA ?

Binuo ang OFWA upang mabuo ang pagkakaisa , ugnayan, pagsasamahan at pagtutulungan ang mga kasapi ng samahan sa lahat ng pagkakataon.

Mabuo ang magandang ugnayan sa pagitan ng manggagawang Pilipino at ng namamahala o may ari ng kumpanya.

Magkaroon representasyon o pagkilala ang kumpanya, ang embahada ng Pilipinas at mga ahensiya ng gobyernong Pilipino sa KSA at iba pang samahang buo at kinikilala sa kaharian ,na makakatutulong sa ibat-ibang pangangailangan ng kasapi ng samahan.

Nabuo ang OFWA dahil na rin sa hangarin ng mga manggagawang Pilipino na magkaroon ng kapanatagan o seguridad sa pansamantalang pamamalagi sa KSA at makaangkop sa kultura at sistemang umiiral sa kaharian .

Binuo upang may samahang masasandigan o maasahan sa oras ng kagipitan at pangangailangan.

Makapaglunsad ng mga gawain o programang makatutulong sa paghubog ng mga kasapian, makapaglalapit ng kalooban at makatutulong sa mga nangangailangang kasapi.

SINU-SINO ANG KASAPI NG OFWA?

Ang mga kasapi ng OFWA ay magmumula sa ibat-ibang kumpanyang sa ilalim ng Obeikan Investment Group na nagpahayag ng kanyang kusang loob na pagsapi , paniniwala sa layunin ng samahan at kahandaang makiisa sa gawain at layuning nais makamit ng samahan.

ANU-ANO ANG MGA PROGRAMA AT GAWAIN NG OFWA ?

SOCIALS & RECREATION

Dahil sa layunin nitong makatulong sa pangangalaga ng kalusugan, paghubog sa mga kasanayan at talento gayudin ang paglalapit ng kalooban ,maglulunsad ng regular na sports festival, outing, field trip, atbpang kauri nito para sa mga kasapi at kagyat na pamilya nito.

TULONG PINANSIYAL AT PROYEKTONG PAGSASAMPA NG PONDO-

Sa pagkasawi , sa tuluyang pagkawala ng kakayahang maghanap buhay , sa panahon ng kalamidad ng mararanasan ng kasapi at kauri nito , isa sa layunin ng samahan ay madamayan ang mga kasapi at kagyat na pamilya nito ,upang paggaanin ang dalahin sa takbo ng pamumuhay sa oras ng kagipitan at pangangailangan .Ang mga tulong pinansiyal sa mga kasapi at gugulin ay magmumula na rin sa mga kasapi at mga gawaing o proyektong makapagsasampa ng pondong inilunsad nito

Obeikan Filipino Workers

Proud To Be Pinoy

OUTREACH AT SOCIAL ACTION

Nilalayon din ng OFWA na makatulong sa ibang mga Pilipino na nasa kaharian o maging sa Pilipinas na hindi naging mapalad sa buhay o kapos sa kakayahan na tugunan ang mga pangunahing pangangailangan .Halimbawa , sa pagtulong sa mga nasa Bilangguan , mga kinakalinga na takas na OFW ng embahada , mga may sakit at maging biktima ng pagmamalupit o karahasan atbpa kung saan may kakayanang tumulong at dumamay ang OFWA?

· OFWA EDUCATIONAL /ORGANIZATIONAL CONSOLIDATION * LEADERSHIP TRAINING/FORMATION –

Mahalagang habang patuloy ang paglulunsad na ibat-ibang gawain ay binibigyang pansin din ang kamulatan, kasanayan at aspetong pag-organisasyon ng pamunuan at kasapi . Sa pamamagitan ng team building, group dynamics , regular meetings , leadership trainings, bull sessions atbpa. Na magtitiyak ng matatag at organisadong samahan.

·LIVELIHOOD PROJECT OR PROGRAM PARA SA MGA KASAPI NG OFWA

Mula sa paglulunsad ng mga seminars , o training , sa hinaharap , hinahangad ng OFWA na makapagtatayo ng isang livelihood project ang samahan kung saan ang mamuhunan at nagpapatakbo ng hanap buhay ay mismong ang mga kasapi at kagyat na pamilya nito.

LINKAGES , RESOURCES TAPPING & NETWORK BUILDING

Nilalayon ng OFWA na makapagtatag ng magandang ugnayan ang samahan sa Embahada/Gobyerno ng bansa , sa OIG , sa ibang organisasyon, ahensiya o instutusyon na makatutulong sa ibat-ibang aspeto o pangangailangan ng samahan upang mapatatag ito at mapalawak ang impluwensiya para sa kagalingan ng kasapi at samahan.